لساك يا خال يا سيد الرجال
الي خالي الحبيب في ذكراه
لساك يا خال
من غير كلام يتقال
ساكن ضلوعي
لسة الحنين فاير
والشوق إليك طاير
لما فاضت دموعي
لساك بتضحك للسما
وصوت غناك لما حلا
ساعتها قادت شموعي
وف كل موسم حكاية
نرويها في الراحه والجاية
مولد النبي والمشايخ
شم النسيم والفسايخ
والعيد وذبح الخرايف
ذكريات مالية ربوعي
لساك يا خال
ياسيد الرجال
يابو اليتامى
وعز العيال
ومهما العمر طال
لساك منور حياتنا
ولا يوم بتسيب لغاتنا
واضحك فى عز البكا
لما سيرتك تتقال
ليست هناك تعليقات:
إرسال تعليق