ضحكة أمي
يا أمي ليه الحنين ليكي دايما مغالبني
وصوتك اللي ماليني -- اصحى بقى يا ابني
كما صوت الادان دايما يجاوبني
وف حضنك سنيني هوه اللي شايلني
---------
يا امه ليه ضحكتك مالهاش شبه تاني
غير حته متوزعه ف اخواتي واخواني
لكنها ضحكه بعرض السما ياامه واحشاني
-------
يا ضحكه الامهات متجمعه فيكي
والكل لما حلا كان الحلا ليكي
ولما اتجمع الحنان كان الحنان بيكي
والحاضر لما حضر كان هوه ماضيكي
--------
يا ضحكه ومجلجله ف احضاني
عايشه من سحرها ف عمري وكياني
ولو سبتها لحظة اعود لها تاني
يا ضحكه ومسافرة فى كل ازماني
وبضحكتي ضحكتك حتعود من تاني
-------
يا ضحكه باصبح الصبح ألاقيها ملاليه
ولما ارجع م المدرسه تبقى غدا ليه
ولما اذاكر تبقى مداد ليه
وآخر النهار تبقى ضحكتك محايله ومداديه
ولما انام جنبك تبقى غطا ليه
-------
وبضحكتك اديتينا كل حاجه
كنتى مستعجله مش عايزه مننا حاجه
طالبه الأجر من الله كالعاده
(للذين أحسنوا الحسنى وزيادة)
--------
يارب ياعالي ارحم لنا امي
وارضى عنها يا واسع الكرم
ياجنه يا وارفة أحضني امي
واعطيها كل النعم وابقي اخصمي مني
-------
(كتبت هذه بعد مرور 35 سنة من وفاة امى)
ليست هناك تعليقات:
إرسال تعليق