صندوق
الجزمة اعمله سيما
صندوق الجزم كان ايضا مادة خصبة لعمل السيما
باستخدام مجلة سمير اللى قصصها رسوم متسلسلة يبدا المشروع بقصقصة شرائط القصة
ولصقها ببعضها بعجينة الدقيق اللى ماما بتعملها ولاأقوى غراء – ثم نلف الشريط
الطويل على بكرة خيط (ماسورة) ونثبت الطرف الاخر على بكرة تانية ونثبت البكرتين
على مسافة فى داخل صندوف الجزم بواسطة سلك يكون محور كل بكرة مع تزويد احداها بيد
يمكن لفها لسحب الفيلم من البكرة الاخرى ليمر من امام فتحة بعرض الصورة الواحدة –
الحكاية لسة – لما كبرت شوية كانت تجيبلى لمبة محروقة لأقوم بتفريغ الدواية بمسمار
وكانت عملية شاقة تستغرق يوما كاملا لامتصاص طاقتى وشقاوتى وطبعا عرفت اثناء ذلك
اجزاء اللمبة والسلك اللى جوة – ويمكن الاستعانة
بالطريقة فى العنوان (http://www.dm33.com/vb/dm320115) بعدها اقوم بملء
زجاج اللمبة بالماء فتصبح كالعدسة اشوف بيها عالم غريب قبل ان اضعها امام شريط الفيلم
وتصبح السيما جاهزة لسحب الفيلم ورؤية الصور مكبرة ولازم أقرالها القصة مما ساعدنى
على تحسين القراءة –وكل دة وهية بتغسل وتمسح وتطبخ وتخيط وتساعدنى وتراقبنى حتى
لاأؤذى نفسى او احد اخواتى فى نفس الوقت – كيف أنساك يأمى؟ اللهم ارحمهما كما
ربيانى صغيرا
ليست هناك تعليقات:
إرسال تعليق