هاتى المليم– عايز المليم

هاتى المليم– عايز المليم

            أسوأ شئ فى ناظر المدرسة هو الكانتين بتاعة الاجبارى والذى كان عبارة عن حلاوة بخت وهو بسكوت لونة وردى زى بسكوت الجيلاتى ولكن على هيئة لوح مثل كرتونة البيض ويضع فى كل تجويف عسلية سودة او كراميل وكل كام واحدة يحط فيها مليم يطلع بختك يابو بخيت ويغطيها بورقة وكان يمر على الفصول وكل واحد لازم يشترى بخت بمليم واللى مامعهوش يضربة بالعصاية على ضهر ايدة – وكانت تلك القضية فلم يكن فى مقدور امى ان توفر لى مليما كل يوم ولذا كنت اقف ازززن قبل ماأروح المدرسة (هاتى المليم – عايز المليم – هاتى المليم) ياأبنى مامعييش - بكرة حديلك (لآ هاتى المليم – عايز المليم) وبالطبع كان المليم وقتها قوة شرائية فكان يشترى مثلا بيضة ودة انا متأكد منة وأكيد كان يشترى لوازم اخرى للبيت أولى من أن يكون مصروف يومى لعيل فى إبتدائى