صعبان
عليا جفاك (بالصعيدى)
كنت انتظر الاجازة الكبيرة (المسامحة)
بشوق لانى اولا سأركب القطر ثانيا سألتقى والعب مع اولاد خالى وكانت ساحة اللعب
العلواية والسطوح الملئ بالحطب وعشة الفراخ وكنا بناكل اى حاجة واحنا بنلعب لأن
الوجبة الاساسية بعد عودة جدى وخالى من العمل وفى الليالى القمرية نكنس السطح
ونفرش الالإياس (الحصيرة) ونتعشى فوق مع خالى وبعد العشا يحكيلنا بعض قصص الانبياء وفى مرة قلتلة انا عارف نكتة عن
ام كلثوم – قال ماهى؟ - قلت مرة واحد صعيدى حضر حفلة لام كلثوم وهوة قاعد برغوت
فضل يقرصة فى قفاة فكل شوية يضرب قفاة لحد ماورم سمع ام كلثوم بتغنى " صعبان
عليا جفاك" قام قاللها شوفتينى ازاى فى الضلمة ياولية – خالى سمعها من هنا
وانخرط فى موجة كبيرة من الضحك لاأنساها –رحمة اللة عليك ياخالى الحبيب
ليست هناك تعليقات:
إرسال تعليق