من خوف أمى ماعرفتش اركب بسكليتة
خوف امى علينا كان كبيرا وكنا لانغيب عن عينيها ابدا - ستة اطفال فوق روؤس بعض مكدسين فى صالة مترين فى مترين كل مافيها كنبة وطبلية - وكان منتهى حلمى ان اخرج من باب الشقة لألعب على بسطة السلم ولكن هيهات - كنت اظل بالساعات ازن عليها وهى ابدا تخاف عليا ان اقع على السلالم واتعور - واحيانا كانت تسمح لى ان العب امام باب الشقة وهية قاعدة امامى- ولما كبرت شوية شفت الاولاد يركبون العجل واصبح منتهى حلمى ان اركب عجله وحاولت معها عدة مرات ولكن مفيش فايدة وكانت خايفة عليا اقع من عليها واتعور وقالتلى لما بابا يفضى يبقى يعلمك وهذا سابع المستحيلات لأن بابا مش فاضى خالص ولذا لم اتعلم ركوب البسكليتة حتى لما سنحت لى فرص عديدة طوال عمرى فلم استغلها طاعة لأمى حتى بعد رحيلها - اللهم امنها من خوف وفزع القيامة كما خافت علينا واسكب عليها الرحمات واسكنها فسيح الجنات
شوف تاثير الام ، على فكرة قصتك دى متكررة
ردحذفhttp://make-up-egypt.blogspot.com/