بس قلبى لسة خايف م الليالى

بس قلبى لسة خايف م الليالى

       

       من صغرى وانا مشاعرى رقيقة واول مابتديت افهم كلمات الاغانى كنت اتأثر بها وطبعا كانت اغانى عبد الحليم اقرب الى مشاعرى من اغانى ام كلثوم فى مرحلة الطفولة رغم ماكنت اشاهدة من احتفال كبير من بابا رجب ليلة حفلة ثومة فى الخميس الاول من كل شهر وكان يحلم بحضور حفلة لها لكن ثمن التذكرة  المرتفع جعلة يضحى بهذا الحلم من اجلنا فكان بدلا من ذلك يعمل الحفلة فى البيت ويجيب اللب والسودانى وسمع هوووس – وفى يوم وانا عندى تقريبا 7 او 8 سنين كنت خارج معاة فى مشوار ومشينا مسافة محترمة للترماى وركبناة محطتين وبعدين مشينا مسافة محترمة فوجدتنى اسلى نفسى واغنى لحليم "كل كلمة حب حلوة " وكان بابا مبسوط من اللحن حتى وصلت الى "بس قلبى خايف م الليالى" قاللى يابنى لسة بدرى عليك من الخوف  وشالنى وباسنى – الله يرحمك يابابارجب